 |
Plattdüütsch Nahrichten vom
06.01.2009 |
| |
|
|
|
|
| |
|
|
|
Die neusten Platt-Nachrichten als MP3-Download: |
| |
|
|
 Nahrichten vom 06.01.2009, [1,52 MB]
|
| |
|
|
|
Adresse für das Podcast-Abonnement: |
| |
|
|
|
http://www.radiobremen.de/podcast/platt/ |
| |
|
|
|
Kopieren Sie einfach die (grüne) Adresse und fügen
Sie sie dann in Ihr Podcast-Programm ein. |
| |
|
|
|
|
| |
|
|
|
|
| |
 |
 |
 |
Arabische Länner verlangt: stantepe mit Scheten in den Gaza-Striepen ophören
Nee York: De Weltsekerheitsraat warrt woll noch vunavend tohoopkamen un över dat snacken, wat de arabischen Staaten verlangt: dat nämlich dat Scheten in den Gaza-Striepen stantepe ophöört. De arabischen Staaten verlangt in de Resolutschoon ok, dat de israelschen Truppen wedder ut dat Land dor rutgaht un dat de Palästinensers mit Medizin un Eten un Drinken versorgt warrt. UNO-Generaalsekretär Ban will dor eerstmal mit US-Präsident Bush över snacken. Dat is eerst en poor Daag her, dor harrn de Amerikaners dor en P vörsett, dat de Weltsekerheitsraat en Resolutschoon to den Gaza-Striet rutgeven hett. |
| |
|
|
|
|
| |
|
|
|
Dree israelsche Soldaten vun dat egen Militär dootschaten
Gaza-Stadt: De israelschen Truppen hebbt in den Gaza-Striepen ut Versehn dree vun jümehr egen Lüüd mit en Panzergranaat dootschaten. Noch 20 sünd dorbi verletzt worrn. Ut Jerusalem weer to hören: de Armee is nu to'n eersten Mal op den Weg dör Gegenden nördlich vun Gaza-Stadt, wo vele Minschen in wahnt. Lüüd, de dorbi weern, hebbt sehn, dat se mehrere Wahnhüüs tweischaten hebbt. |
| |
|
|
|
|
| |
|
|
|
Nich all inverstahn mit dat twete Konjunktur-Paket
Berlin: Mit dat, wat de Bundesregerung as twetes Konjunktur-Paket utgeven will, sünd vele nich mit inverstahn. De Oppositschoon, man ok welk vun de Grote Koalitschoon hebbt dor wat gegen. De FDP-Politiker Fricke meen in de Westdüütsche Allgemene Zeitung: wat de Bund an nee'e Schulden opnimmt, dat hett keeneen mehr in'n Griff. De Top-Lüüd vun SPD un Union harrn güstern fastleggt: düt Johr un anner Johr wüllt se 50 Milliarden Euro utgeven, dat de Wirtschaft wedder op de Been kümmt. Noch nich enig sünd se sik doröver, wat dat weniger Stüern geven schall. Bet Maandag wüllt se dat aver fastleggen. |
| |
|
|
|
|
| |
|
|
|
Op de ganze Welt weniger Autos verköfft
Washington: In de USA sünd so wenig Autos verköfft worrn as in de verleden 15 Johr nich mehr. An'n leegsten steiht Chrysler dor mit 30 Perzent weniger. Man ok de japaansche Konzern Toyota un de düütschen Auto-Firmen hebbt in Amerika veel weniger verköfft. Fachlüüd sünd bang: 2009 kunn dat bi dat Auto-Verköpen noch leger warrn. |
| |
|
|
|
|
| |
|
|
|
Dat 180. Maal Bremer Ieswett
Bremen: Dat 180. Maal steiht vundaag de traditschonelle Bremer Ieswett an. Hunnerte Tokiekers warrt bi dat Spektakel mit bi ween. As all Johr kickt en Snieder mit en Plättiesen na, wat de Weser geiht oder steiht - wat dat Water also dichtfroren is oder nich. De de Wett verleren deit, mutt denn dat grote Festeten betahlen. Siet över 60 Johr is nich mehr so veel Ies op de Weser ween, dat een dor harr röverlopen kunnt. |
| |
|
|
|
|
| |
|
|
|
Dat Weer
Un woans süht dat mit dat Weer umto ut? Opstunns hebbt wi in Syke un an den Bremer Flegerhaven 10 Graad ünner 0, an de Fischereehavenslüüs in Bremerhaven sünd dat 7 un op Nördernee 3 Graad ünner 0.
Vundaag lacht eerst de Sünn, gegen Nameddag treckt lockere Wulken op, man dat blifft dröög. Dat Thermometer schafft dat nich över minus 3 Graad rut. De Wind dorto weiht flau vun de westen bet süüdwesten Kant, an'n Avend briest dat en beten op.
Tokamen Nacht: dichtere Wulken, hier un dor kann dat ok Snee oder Sneeregen geven. Weniger as 6 Graad ünner 0 kriegt wi nich.
Morgen: eerst Wulken, un en beten sneen oder pieseln kann dat ok. An'n Nameddag krabbelt dat Thermometer op 3 Graad över 0.
Dat weern de Narichten. Op Platt trechtmaakt un vörleest vun Reinhard Goltz. Tohoopstellt hett se Reza Vafa. |
| |
|
|
|
| |
|
|
 Nachrichten auf Hochdeutsch |
| |
|
|
 |
|
| |
|
|
 Druckversion |
|
|
 |
![Der Bremer Roland am Marktplatz [Quelle: Radio Bremen]](/bremeneins/platt/_bild/plattdeutsche_nachrichten.jpg) |
| |
|
|
|
Nachrichten auf Platt
Aktuelle plattdeutsche Nachrichten
werktags auf Bremen Eins und hier für Sie zum Nachhören.
Montags bis freitags, 10.30 Uhr | Bremen Eins |
|
| |
|
|
 |
Plattdeutsches
Podcast
Podcasting ermöglicht
es, Beiträge aus unserem Radio-Programm zeitversetzt vom
Computer und sogar auch ortsunabhängig mit einem MP3-Player
anzuhören. Hierfür laden Sie sich einfach die entsprechende
Datei herunter. Wir zeigen Ihnen wie es geht. |
|
| |
|
|
|
Bi
de Plattsnackers
Wie sagt man gern in Norddeutschland? Do wat Du wullt, de Lüüd
snackt doch. Die Besonderheiten der plattdeutschen Sprache werden
mit Witz und Charme - auch in ihren verschiedenen regionalen
Varianten - vorgestellt. Die preisgekrönten Lektionen des
Kurses werden hier im Netz mit weiterführenden schriftlichen
und akustischen Übungen, Erläuterungen zur Grammatik
und Vokabellisten ergänzt. |
|
|
|
|
|
