Bremen Eins aktuell
	Plattdüütsch Nahrichten vom 05.01.2009                   Die neusten Platt-Nachrichten als MP3-Download:       Nahrichten vom 05.01.2009, [1,87 MB]         Adresse für das Podcast-Abonnement:         http://www.radiobremen.de/podcast/platt/         Kopieren Sie einfach die (grüne) Adresse und fügen Sie sie dann in Ihr Podcast-Programm ein.                       Union un SPD snackt över Stüern Berlin: Union un SPD willt vunaf vunmiddag över een Plaan snacken, woans de Wertschupp in de Been to helpen is un dor hebbt de beid Parteien nich datsülvige in'n Sinn. In de Nacht sünd sick de CDU un de CSU in Berlin in den Striet eenig worrn, woans de Stüern runnersett warrn köönt. Se willt den Freebedrag för de Stüern up achtdusend Euro hochsetten. Un de Union will den Tarif so ännern, dat nich de Lüüd, wenn de Lohn höger warrt, forts weer högere Stüern betahlen mööt. In de Saak hett sick den Baas vun de CSU, Seehofer, dörsett. De SPD will den böversten Stüersatz för een Tiet högersetten för Lüüd, de bannig goot verdeent. Dat Geld, wat dorbi tohoopkümmt, schall bi Kinnergaarns un Scholen helpen. Butendem will de Partei, wat elkeen Kind eenmal tweehunnert Euro kriggt.             Laag för Lüüd in Gaza leeg as nienich Berlin: De Kring för Minschenrechte Amnesty International hett seggt, dat Israel op den Gazastriepen tostörmt, dat weer so leeg as nich wat, siet dat Besetten vun den Striepen in dat Johr 1967. De Fru, de sick bi Amnesty utkennt in dat Flach Osten Blangenbi, Donatella Rovera mit Naam, de hett seggt, de Laag weer in de lesden twee Johr stedig leeger worrn. Man dat de Lüüd nixnich mehr to bieten hebbt, dat hett dat noch nienich geven. In de Twüschentiet hett de tschechsche EU-Ratpräsidentschupp verlangt, de Höölpkrings müssen stantepee in den Gazastriepen rindörven. De Butenminister vun Tschechien, Schwarzenberg, de hett seggt, Israel droff nich verhinnern, wat de palästinensischen Lüüd Stöhn kriegt. De Butenminister warrt mit annern ut de EU vunnabend in Kairo doröver snacken, woans in dat heele Spill vermiddelt warrn kann. De för dull islamsche Hamas stüert ok Lüüd na Ägypten.             Verheugen häckstert Banken Berlin: De EU-Industriekommissar Verheugen hett de Banken vörsmeten, se deen nich fix genog Kredite geven. Mit Worden hett he seggt: "De Banken dröff dat nich bloots dorüm gahn, Geld to schepeln, se hebbt ok een Verantworden för de Gesellschupp un se mööt in een Volkswertschupp seeker stellen, wat Kredite vergeben warrt. Disse Verantworden nehmt de Banken upstunns nich heel un deel in de Hannen." Verheugen hett de Vörstänn in de Banken in Düütschland un in de EU mahnt, vun ehr hüng een Bült af mit dat, wat se doot. De Politik harr ehr eenen Scherm över den Kopp utspannt un den schullen se nu in de Hand nehmen un weer mehr Kredite vergeven. Jüst de lütten un mittleren Ünnernehmen weern up Kredite anwiesen, hett Verheugen ok noch seggt.             Gazprom will mit Ukrain verhanneln Moskau: In den Gas-Striet twüschen Russland un de Ukrain hett de russsche Monopolgesellschupp Gasprom an de Ukrain seggt, se schull nu trüggkamen an de Verhannelnstafel. Een, de för Gazprom snackt, de hett seggt, dorbi güng dat nich bloots üm eenen niegen Verdrag över dat Gasleevern. Dat ukrainsche Ünnernehmen Naftogas harr ut dat verleden Johr noch 614 Millionen US-Dollar Schullen in Russland. Beid Sieden müssen doröver snacken, woans dat Geld betahlt warrn kunn. Naftogas harr an't Weekenenn verklart, Kiew harr siene Schullen in Moskau för dat Johr 2008 betahlt.             Mallör mit een Doden up de A 27 Bremerhaben: Up de Autobahn 27 bi de Överseehabens hett dat hüüt Moorn een böös Mallör geven. De Polizei vermellt, de Föhrer vun een Lieferwagen is dorbi dootbleven. De Föhrer is woll, as dat lett, as Falschföhrer up de verkehrte Siet up de Autobahn föhrt. Sien Auto is mit een Laster tohoopstööt. Den Laster hett denn Füer fungen.             Dat Weer Un so leeg steiht dat Thermometer upstunns: in Westerstee bi minus fief, in Veern un an den bremschen Fleegerhaben bi minus veer un an de Fiskereehabenslüüs in Bremerhaben bi minus dree Grod. Hüüt kann dat in de ersten Stünnen glatt wesen vunwegen dat Natte up de Straten fraren is. Över Dag schient de Sünn un 'n paar Wulken sünd mit bi. Dat blifft drög bi minus twee bit null Grod. De Wind weiht mit Maten of mit Böjen ut Nordost un föhlt sick gräsig kolt an. Tokamen Nacht is de Heben klor, hier un dor kann Daak upkamen un dat is kellen kolt bi minus fief bit minus acht Grod. Wahrschuu: dat kann glatt warrn. Morrn schient toerst de Sünn, achterna kaamt lichte Wulken up un dat blifft drög bi minus dree bit null Grod. Dat weern de Narichten. Roland Warmbein hett se tohoopstellt. Up Platt trechtmaakt un vörleest hett se Gesine Reichstein.               Nachrichten auf Hochdeutsch               Druckversion         Nachrichten auf Platt Aktuelle plattdeutsche Nachrichten werktags auf Bremen Eins und hier für Sie zum Nachhören. Montags bis freitags, 10.30 Uhr | Bremen Eins       Plattdeutsches Podcast Podcasting ermöglicht es, Beiträge aus unserem Radio-Programm zeitversetzt vom Computer und sogar auch ortsunabhängig mit einem MP3-Player anzuhören. Hierfür laden Sie sich einfach die entsprechende Datei herunter. Wir zeigen Ihnen wie es geht.         Bi de Plattsnackers Wie sagt man gern in Norddeutschland? Do wat Du wullt, de Lüüd snackt doch. Die Besonderheiten der plattdeutschen Sprache werden mit Witz und Charme - auch in ihren verschiedenen regionalen Varianten - vorgestellt. Die preisgekrönten Lektionen des Kurses werden hier im Netz mit weiterführenden schriftlichen und akustischen Übungen, Erläuterungen zur Grammatik und Vokabellisten ergänzt.
	Anfang       © Radio Bremengeändert am 06.01.2009     Bremen Eins  I Aktuell  I Programmübersicht  I Sendungen  I Musik  I Sport  I Ratgeber  I Aktionen  I Zu Gast bei uns  I Bremen Eins präsentiert  I Kontakt  I Moderatoren  I Frequenzen Radio Bremen  I Home  I Radio  I TV  I Magazin  I Über uns  I Hilfe  I Sitemap  I Impressum       Radio Bremen ist nicht verantwortlich für den Inhalt externer Links.